На пазарот ќе се сретнете со секаква храна, со добро дизајнирано пакување, со прекрасни слики, со добри ознаки ... Но секогаш мораме да ги воочиме разликите за бараната возрасна категорија.
На младите кучиња секогаш им е потреба храна која во својот состав има високо ниво на протеини ( вклучувајќи високо ниво на специфични амино киселини), масти и минерали за разлика од храната за возрасните кучиња. Се среќава храна во која се присутни омега 3 масни киселини, која гарантира добар развој на мозокот и очите.
Интензитетот на калори кај младите кучиња треба да е секогаш поголем од храната за возрасните, затоа што тие се во интензивен раст и развој и нивната физичка активност е поголема.
Кога младите кучиња ќе достигнат 80 % од својата очекувана возрасна големина, тогаш можат да се префрлат на храна за возрасни. Ова се случува во различено време и развоен стадим, индивидуално е и зависи од расата. Екстремно малите раси на кучиња овој процент го постигнуваат на возраст од 9-10 месеци, средната раса на кучиња на 12 месеци и големата раса од 12-16 месеци возраст.
Советувајте се со вашиот ветеринар за да направите најдобар избор за кој вид на храна ќе му одговара на вашето куче.